BABAW

BABAW / BAWBAW       Isem ta’ karattru fittizju b’oriġini folkoristiku li l-kbar kienu jużaw biex ibeżżgħu t-tfal bih.  Eż. ‘Ara ġej il-babaw’ (anke baw baw).  Illum nużaw din l-espr. anke b’sens ieħor ukoll: ‘Għandu dar babaw’ – jiġifieri – għandu dar sabiħa ħafna;  Insibu li mhux il-Maltin biss kienu jbeżżaw it-tfal bil-Babaw. Fl-Italja u anke fi Franza il-kbar ibeżżgħu lit-tfal bil-bau bau. “se non la smetti chiamo il Babau!". F’Venezja lit-tfal ukoll jgħidulom ‘Se non stai bravo viene il babau e ti porta via’. Agius Desoldanis (A.S.) jghid li t-tfal kienu jbeżżgħu lil xulxin bil-bau bau.Fil-Karnival ta’ Venezja il-karattru tal-Bau Bau huwa rraffigurat minn bniedem liebes maskra bajda msejħa ‘La Bauta’.  Ma’ din il-maskra tintlibes ukoll daqna sewda, kappell trikott u mantel li jgħatti l-ġisem kollu.  Din l-influwenza ta’ kultura Venezjana f’Malta kienet possibili speċjalment minħabba l-kummerċ u alleanza militari  (navali) li kienu jeżistu bejn Malta u Venezja fis-sekli 17 u tmintax.  Ara VENEZJA. Ara wkoll: www.delpiano.com.