karakka

KARRAKKA    Dan kien bastiment li kien jivjaġġa biss bil-qlugħ u li kien jintuża fil-Mediterran fis-seklu ħmistax u sittax.  Kien oriġinarjament bastiment tal-merkanzija u kien jesa’ sa 14,000 il-salma tal-qamħ (daqs 2,500 tunellata).  Il-Kavallieri kienu bnew l-ewwel karrakka tagħhom fl-1407, meta’ kienu għadhom f’Rodi.  Meta l-Ordni wasal Malta fl-1530 kellu żewġ karrakki li kienu telqu bihom minn Rodi fl-1522.  L-eqdem waħda minnhom, is-Santa Marija ġiet irmiġġata quddiem Sant Anġlu u ma’ baqgħetx tintuża għat-tbaħħir.  Fl-1532 din inħarqet meta splodiet ħażna ta’ porvli li kellha fuqha.  Il-karrakka l-oħra, kien jisimha ‘Sant’Anna’.  Din baqgħet tintuża sal-1541.  Biż-żmien din spiċċat sorġuta wkoll ħdejn Sant’ Anġlu u ma baqgħetx tintuża u damet hemm għal bosta żmien.  B’hekk  biż-żmien il-karakka saret sinonima ma’ kulħadd bħala oġġett kbir u goff u  mhu tajjeb għall-xejn.  Fis-seklu 19 kien hawn fil-port bastiment li kien iħammel il-qiegħ tal-port li kien wkoll imlaqqam il-karrakka.  Idj: dak qisu karakka, jiġifieri goff, tqil u qadim.  Eż. ieħor: Għandu karrozza qisa  karrakka.   Ara: The Carrack of the Order ta’ Joseph Muscat, PIN Pubblikazzjoni Indipendenza; A Rediscovery of the first contemporary and authentic picture of the Great Carrack Sant’Anna of Malta (1535) ta Robert Dauber ,  in Sacra Militia issue no 4, 2004;  Ships of the Order of St. John – The Caracca by Joseph Abdilla and Joseph Muscat. Karakka – The Knights of Malta and their Contribution to Naval Technology by Charles Briffa.