BACIR

BAĊIR / BAĊIN / BAĊIL       1. Dan kien oriġ. speċi ta’ banju kbir mħaffer fil-blat u mimli bl-ilma, fejn fi żmien l-Ordni ta’ San Ġwann kien jintuża bħala parti mill-arsenal biex jinħażen l-injam. Dan il-baċir kien jinsab fid-daħla ta’ ġewwa nett fil-bajja ta’ Bormla.  Dawn żviluppaw fi żmien l-Ingliżi fi drydocks li kienu jaħdmu b’enerġija idrolika.  B’kollox tħaffru ħames baċiri b’kollox fuq kull naħa ta’ l-Isla biex fihom isiru tiswijiet lil-bastimenti.  Fi żmien l-Ingliżi il-baċiri fit-tarzna nbnew hekk:  Baċir numru 1: fil-qala ta’ Bormla - 1848; Baċir numru 2 - 1862;  Baċir numru 3 jew is-Somerset Dock li -1871 taħt l-Isla, fil-bajja ta’ Għajn Dwieli; Baċir numbru 4 - 1892 (Hamilton Dock);  Bejn l-1902 – 1907 nbnew baċiri numru 4 u 5.   Tal.   bacino eż. bacino Mediterraneo.  Tal. bacino navale.  Ara: ARSENAL   2. F’sens ekklesjastiku din il-kelma kienet tfisser trofew imżejjen bil-ħbejżiet tal-injam u li f’nofsu jkun hemm statwetti qaddisa.  Dawn kienu jinġarru fil-proċessjoni tal-Madonna tal-Karità fil-Birgu biex imbagħad l-ħobż jitqassam lill fqajrin. Sors. Lorenzo Zahra.